Os produtos con valor engadido local volverán ser os protagonistas das actividades organizadas polo Grupo de Desenvolvemento Rural. A fin de semana do 3 e 4 de agosto, o GDR participará cun espazo na feira do Galo Piñeiro organizada polo concello de O Pino no que se fará unha exposición de tódolos produtos do territorio do Ulla Tambre Mandeo (recordamos para os despistados: Arzúa, Boimorto, Curtis, Melide, O Pino, Santiso, Sobrado, Toques, Touro e Vilasantar).
Por iso esta entrada no blog é un chamamento ó empresariado local: se tes un produto agroalimentario ou turístico de calidade, ponte en contacto con nós para que estea representado no expositor do GDR.
Imos poñer dúas zonas, unha agroalimentaria e outra turística.
Se tes un produto agroalimentario de calidade e local terás que proporcionarnos aquel material necesario (produto, folletos...) para facer un posto atractivo. Ademais, se queres reservar un espazo e tempo para facer algunha actividade, tamén o podes solicitar. As actividades poden consistir en exhibicións, catas, degustacións... Recorda que todo aquilo específico que se necesite para a conservación do produto, como neveiras ou outros elementos, debes traelo ti. O stand solo conta coas paredes e nós nos encargamos da colocación, a decoración e a atención do posto.
Se pertences ó sector turístico tamén podes traer información, folletos, fotos, bonos ou o que queiras, teremos un recuncho reservado para a promoción turística da zona.
Esperamos a participación de tódolos axentes do UTM neste evento! xuntos traballamos máis e mellor!!!
Moitas grazas ó concello do Pino pola invitación!
No hay comentarios:
Publicar un comentario