HOXE PASEAMOS POR ……

BOIMORTO

Hoxe pasarémola xornada coñecendo un pouco do municipio de Boimorto. Como non hai nada mellor para empezar o día que un paseo vigorizante en plena natureza, achegarémonos ata Ponte Castro, onde o río Tambre actúa como límite entre os concellos de Boimorto e Mesía. Alí atoparemos unha área recreativa nun tramo de río que se erixe como couto tradicional da pesca da troita. Dado que estas datas non son moi recomendables para o baño aconsellámosvos que no día de hoxe gocedes da vista da forza da auga e da paisaxe de ribeira; aínda así, tomade nota do lugar para unha futura xornada campestre de verán…

Despois do exercicio desprazarémonos ó núcleo urbano de Boimorto onde, ademais de gozar da amabilidade das súas xentes, poderemos ver o miliario achado en Vilanova no ano 1981 e que da testemuña coas súas inscricións do paso dunha vía de comunicación romana polo territorio do concello en tempos do Imperio.

Como xa vai sendo hora de xantar e o paseo abre o apetito dirixirémonos pola estrada de Sendelle ata a Parrillada Regueiro, máis coñecida entre os que xa tivemos o gusto de comer alí anteriormente pola “Cabrita”, situada nunha encrucillada de camiños como corresponde a un lugar de parada obrigada… Alí degustaremos un estupendo churrasco de distintas carnes que nos dará forza para rematar a visita na Igrexa románica de Sendelle.

Esta igrexa conta cun alto valor arquitectónico e, como podedes observar, pictórico pois nela podemos observar distintas pinturas murais moi interesantes e ben conservadas.

Se queredes saber máis…

http://www.concellodeboimorto.es/turismo/visit.html