HOXE PASEAMOS POR ……

CURTIS

Na xornada de hoxe da comezo o noso paseo pola ribeira do Mandeo no concello de Curtis. Alí, ademais de gozar da tranquilidade e beleza das súas augas poderemos visitar a Ponte Marzá, moi antiga e obxecto de recuperación recente. Se nos animamos, incluso podemos seguir parte da variante do Camiño Norte de Santiago que discorre polo lugar e que nos levará a coñecer curiosos rincóns do municipio sen posibilidade de perdernos pois conta cunha moi boa sinalización.

Como se achega a hora de recuperar folgos cun bo xantar encamiñámonos ó centro urbano de Teixeiro onde, para facer un pouco máis de apetito, visitaremos a Igrexa da Nosa Señora dos Remedios, de estilo barroco, no interior podemos atopar unha lauda sepulcral do fundador con inscrición de 1640. Ó seu carón, atópase un impresionante carballo centenario testemuña do paso do tempo no municipio.

A continuación, dirixirémonos ó Restaurante Sabino onde gozaremos do seu bo facer culinario, son especialistas en preparar pratos con carnes da mellor calidade, absolutamente recomendable.

Para rematar, pasaremos unha tarde tranquila e unha noite sumamente agradable descansando na Casa de Barreiro, en Abeledo na parroquia de Foxado, unha casa de estilo tradicional cun entorno moi coidado. Alí, deixaremos feita unha reserva para futuras visitas pois garantízovos que, se probades, voltaredes a Curtis..

Se queredes saber máis…

http://www.concellodecurtis.org/

http://www.turgalicia.es/

http://www.casadebarreiro.com/web/index.html?ver=20110610