Faltan 15 días para o Congreso...

Durante todo o ano 2012, os GDRs de Galicia estivemos organizando cursos, xornadas e congresos nos que expertos de tódalas materias relacionadas co desenvolvemento rural e o Leader compartiron con nós o seu coñecemento.

Entre os días 7 e 9 de novembro, serán presentadas as conclusións destes interesantes debates. É un acontecemento único, un congreso sobre o Leader a nivel Galicia dunha dimensión e alcance que nunca se ten feito ata o de agora.
 

Por medio deste congreso esperamos, non so buscar solucións innovadoras e eficaces ó desenvolvemento do rural galego, senón que tamén esperamos poder transmitir o que o Leader significa, que aporta, e canto lle queda por aportar no rural galego.

Se vives e traballas no rural, ou se simplemente estás interesado en coñecer o seu presente e en participar no seu futuro para poder melloralo, INSCRÍBETE PARA ASISTIR!! Fáltasnos ti!

Chámanos para apuntarte: 981.511.377

Tódolos GDRs che damos as gracias pola túa participación e o teu interese. Vémonos no Congreso o vindeiro 7 de novembro!

 

Xornada "Diversificación de la economía rural: elaboración artesanal de conservas vegetales"

Este sábado 27 de outubro de 2012 o GDR Ulla Tambre Mandeo organiza en Melide unha xornada para aprender a elaborar conservas caseiras de froitas e vexetais.

 

O obxectivo é conseguir que os alumnos se familiaricen coas correctas técnicas de envasado, preparación e conserva de distintos alimentos para poder sacarlle o máximo rendemento ó seu refrixerador. Do mesmo xeito, tamén se agarda que este evento sirva para que aquelas persoas que se dedican a comercializar os produtos da horta en fresco teñan unha visión máis completa destas técnicas e se animen a darlle ó seu produto un valor engadido elaborando marmeladas, cremas, conservas, prebes, etc.

 

A xornada terá unha duración de seis horas e incluirá tanto teoría como práctica, durante a mesma prepararanse na cociña do Salón Rexio de Melide distintas elaboracións artesanais como: marmelada de amorodo, conserva de cogomelos e espinacas, prebe de tomate, etc.

 

Dous produtores da zona, a SAT Fungocerga e a Cooperativa Melisanto, colaboran co GDR cedendo de maneira desinteresada todas as froitas, verduras e cogomelos que se utilizarán.

Podes ampliar esta información no seguinte enlace da prensa:

El Correo Gallego, 26 de octubre de 2012

Congreso Galego de Desenvolvemento Rural e Leader

Durante todo o ano 2012, os GDRs de Galicia estivemos organizando cursos, xornadas e congresos nos que expertos de tódalas materias relacionadas co desenvolvemento rural e o Leader compartiron con nós o seu coñecemento. Por fin, entre os días 7 e 9 de novembro, serán presentadas as conclusións destes interesantes debates. É un acontecemento único, un congreso sobre o Leader a nivel Galicia dunha dimensión e alcance que nunca se ten feito ata o de agora.

Por medio deste congreso esperamos, non so buscar solucións innovadoras e eficaces ó desenvolvemento do rural galego, senón que tamén esperamos poder transmitir o que o Leader significa, que aporta, e canto lle queda por aportar no rural galego.

 

Chámanos para apuntarte: 981.511.377

 

Tódolos GDRs che damos as gracias pola túa participación. Vémonos no Congreso!